e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Sottovia, Giovanni Sozzi, Columban  Sour Vischnanca polit., cirq. Surses, distr. Alvra, situada en la part sura dal Surses (Surgôt), cun ils aclauns da Furnatsch e Tgacrest e quatter mises resp. culegnas d'alp a Flecs. 1850 163 abit.; 1900 178; 1950 227 (inclus ils lavurers engaschads en la construcziun dal mir da serra da Murmarera per las OE Turitg); 2000 93. A l'entsch. dal 13. tsch. han ils signurs de Marmels laschà construir il chastè da <elirlink href="aid:2726">Spliatsch</elirlink> (oz en ruina). Fin il 1850 ha S. appartegnì a la dretgira auta dal Surses entaifer la LCD. Il 1663 han ils chaputschins erigì sin ils fundaments da la baselgia medievala da S. Baltramieu la baselgia barocca da S. Catregna. Oz furma S., ens. cun Mulegns e Murmarera, ina plaiv communabla. Avant il 1950 era S. in vitg puril. Dal temp medieval fin suenter il 1900 (avertura da la Viafier retica en l'Engiadina il 1903) ha il traffic da transit sur ils pass garantì in gudogn supplementar als purs (vituraria, transports da martganzia). Da l'economia forestala pudeva S. strusch profitar, essend che la vischnanca sa chatta al cunfin dal guaud. Oz offra il turissem, naschì en las regiuns da skis da Suagnign e Beiva, novas pussaivladads da gudogn. Dapi il 1845 ha S. ina scola e fa part dal consorzi da scola dal cirq. da Surses. L'administraziun communabla da S., Mulegns e Murmarera sa chatta actualmain en la chasa com. da S. Ils Gualsers da lingua tud., immigrads suenter il 1200 a Flecs, èn vegnids rumantschads. S. ha decidì la meglieraziun gen. il 2002.<br /><br /></p> Archiv: Ovras: Funtaunas: Litteratura: A. Grisch, En curt viada tras Surses e la sia istoria, 1915; Gem. GR, nr. 171, 1983; LQ, 29-1-2009. Gion Peder Thöni  Sottovia, Giovanni Sozzi, Columban  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: