e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Reydt Rezia  Rezia Il 1797 ha la <elirlink href="aid:2836">Republica da las Trais Lias</elirlink> pers sias <elirlink href="aid:2856">Terras subditas</elirlink> a la Republica cisalpina, ed il 1799 han ellas suttascrit il contract davart l'integraziun dal chantun R. en la Republica helvetica. Ils 29-5-1801 è entrada en vigur la Constituziun da Malmaison, ed ils 24-6-1801 è il Grischun daventà, sco chantun R., part da la <elirlink href="aid:2771">Republica helvetica</elirlink>. Ils 13-8-1801 è il Parlament, consistent da 35 comm. (tschernids tras electurs tenor districts) sa radunà per l'emprima giada a Cuira. La nova Regenza centrala consistiva dal Cussegl prefectural e d'ina administraziun da tschintg persunas. Il chantun era subdividì en 11 districts cun mintgamai in prefect a la testa. Il chantun R. era represchentà cun ses deputads en la Dieta helvetica, ed il col. da Zug, Joseph Leonz Andermatt, occupava l'uffizi dal cumissari helvetic a Cuira. Ils 22-1-1802 ha ina chombra administrativa remplazzà il Cussegl prefectural. Il centralissem da la Republica helvetica sco era ils represchentants da quella eran en gen. odiads, e suenter la retratga da las truppas franz. è prorutta l'avust 1802 ina rebelliun. L'urden statal vegl-republican, reintroducì ils 9-9-1802, è restà en vigur fin ils 25-10-1802; entant ha la Constituziun da <elirlink href="aid:2063">Mediaziun</elirlink> dals 2-2-1803 instituì il chantun Grischun modern sco stadi da la Confed. cun dretgs cumplains. L'urden helvetic è stà in intermez ed è restà - abstrahà d'in pitschen rinforzament da la pussanza centrala - senza influenza per las constituziuns sequentas. La divisiun politica dal pajais è dentant daventada reala 200 pli tard cun da la reorganisaziun da las dretgiras e regiuns il 2001.  </p> Archiv: Ovras: Funtaunas: Litteratura: Pieth, Bündnergeschichte, 320-34; Metz, Graubünden 1, 78-94; HbBG 3, 253-56; IG, 202-07; Rathgeb, Verfassungsentwicklung, 45-68. Adolf Collenberg  Reydt Rezia  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: