e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Simonetti, Giulio Sinestra, Val  Sindicatura Gremi da controlla da l'administraziun da las <elirlink href="aid:2856">Terras subditas</elirlink>, instituì a partir dal 1515. Ils sindicaturs (per regla trais per Lia) vegnivan proponids en roda dals cumins ed elegids a la Dieta da s. Baltramieu (24 d'avust). La plipart dad els èn stads uffiziants en las Terras subditas, e sco tut ils auters mandats uffizials vegniva era quel dal sindicatur "pratitgà" (<elirlink href="aid:3339">Cumpra d'Uffizis</elirlink>). La revisiun administrativa iniziava il mars, a partir dal 1593 l'entschatta da zercladur cun la publicaziun da l'uschen. «Grida da la sindicatura» en mintga podestataria tr. Clavenna e Buorm e durava en tut quatter fin sis emnas. La "Grida" cuntegneva las tractandas da la sindicatura ed appellava ils subdits d'inoltrar a quella lur plants e reclamaziuns entaifer trais dis. Suenter la revisiun administrativa vegnivan quels dilucidads da la sindicatura che sa constituiva, sut l'egida da ses pres., sco dretgira d'appellaziun. Cun il "benservit" vegniva l'uffiziant dischimpegnà, e cun l'installaziun formala da ses successur terminava la revisiun.<br /><br /></p> Archiv: Ovras: Funtaunas: Litteratura: Collenberg, Amtsleute, 21 s. Adolf Collenberg  Simonetti, Giulio Sinestra, Val  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: