e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Societad d'utilitad publica dal Grischun Societad feudala retica  Societad da veterinaris grischuns Ils 19-5-1859 han set dals nov veterinaris domiciliads en il chantun Grischun fundà a Cuira sin iniziativa dal veterinari chant. Johann Ludwig Walraff il Tierärztlicher Verein. Quest'uniun ha existì fin il 1872. Dapi il 1873 stuevan ils veterinaris avair fatg almain la maturitad cun il Latinum pitschen ed esser almain 17 onns vegls per vegnir recepids en la Scola da veterinaris. Il studi durava sis semesters. Ils 9-9-1901 è vegnida fundada a Suagnign, sin iniziativa dal veterinari chant. Erminio Isepponi (1854-1928), la Societad da veterinaris grischuns cun l'intent da defender ils interess dals veterinaris, da promover lur scolaziun e da cumbatter l'aversiun publica anc fitg exprimida da quel temp envers ils veterinaris e lur provediment medicinal professiunal che n'era betg gratuit. Il 1981 è vegnida recepida Elisabeth Neff da Mustér sco emprima dunna en la Societad da veterinaris grischuns (suprastanta dapi il 1993). Dumber da veterinaris patentads en il Grischun: 1859 9; 1900 21; 1940 29; 1960 38; 1980 37 umens/8 dunnas; 2001 54/15.</p> Archiv: Ovras: Funtaunas: Litteratura: U. Werro, J. Eitel, Hundert Jahre Gesellschaft Bündner Tierärzte: 1901-2001, 2001. Adolf Collenberg  Societad d'utilitad publica dal Grischun Societad feudala retica  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: