e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Uniun dals Gualsers Uniun forestala grischuna  Uniun evangelica da scola A l'occasiun da la Sinoda evang. dal 1827 è vegnida fundada a Tusaun, sin iniziativa dad Otto Carisch, l'Uniun evangelica da scola cun l'intent da meglierar las scolas ruralas dal Grischun. Ella cumpigliava 58 comm., la plipart spirituals (emprim pres.: Paul Kind). Sias miras eras da sclerir il pievel davart l'utilitad da la furmaziun, scolar ils magisters, avrir fonds da scola, meglierar l'infrastructura scolastica (cussegliaziun e premias) ed elavurar cudeschs da scola. L'uniun cumpigliava fin il 1830 12 cirquits (1838 17 cun 370 comm.). Dapi il 1834 vegniva ella sustegnida finanzialmain dal Chantun. Il 1844 è cumparì l'emprim numer da las «Mitteilungen des Evangelischen Schulvereins». Il 1835 ha quest'uniun preschentà sias ideas per la scolaziun da magisters e pretendì l'instituziun d'in Seminari scolastic separà da la Scola chant., ina pretensiun ch'è s'accumplida pir il 1852. Suenter la fundaziun dal cussegl chant. d'educaziun (1838), ha ella pers sia impurtanza ed è sa schliada il 1860 (<elirlink href="aid:2878">Uniun cristiana da scola e d'educaziun dal Grischun</elirlink>).</p> Archiv: Ovras: Funtaunas: Litteratura: J.U. Maier, Der evangelische Schulverein und seine Bedeutung für die Entwicklung des bündnerischen Volksschulwesens, 1916; C. Marti-Müller, Bündner Volksschule im Wandel, 2007, 27-35. Adolf Collenberg  Uniun dals Gualsers Uniun forestala grischuna  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: