e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Trivulzio, Gian Giacomo Trun  Troccas Gieu da chartas derasà en Surselva ed en fam. ed uniuns surs. en la Bassa. Importà prob. da mercenaris da l'Italia e/u da la Frantscha a partir dal 16. tschientaner. Il gieu da troccas surs. vegn dà en quatter (2 cunter 2) e cumpiglia 78 chartas: 4 x 10 spadas, bastuns (las "fermas"), cuppas e rosas (las "levas"), e mintga colur ha (en la successiun da la fermezza e valur) anc in retg/honor (il vegl, 5 puncts), ina regina/dama (la veglia, 4 puncts), in chavagl (il chavalier, 3 puncts) ed in buob (il famegl, 2 puncts). Las 10 chartas vidas, numeradas dad 1-10, n'han nagina valur da puncts; las "fermas" fan steh dad 10 fin 1, las "levas" dad 1 fin 10. Ultra da las colurs cuntegna il gieu 21 troccas, numeradas dad 1 (bagat/la pli flaivla) fin 21 (mund/la vacca) ed illustradas cun div. motivs (glina, diavel, pader euv.). La 78. charta è il nar (arlechin) che na po betg far steh, che na po dentant era betg vegnir engulada, nun che la cuntrapartida fetschia in matsch. Las 21 troccas battan las colurs. La triada mund, nar e bagat vegn numnada "il juhé" e quinta 3x5 puncts. En l'emprima runda d'ina colur averta cun il retg po quel "clamar" il buob. Distribuziun da las chartas: 19 en pachets da 2 x 6, 1 x 7; il "scartist" (quel che ha repartì las chartas) survegn 21 chartas (2 metta el en il "scart"). Suenter mintga pachet vegn "tschantschà". Las reglas dal gieu èn standardisadas, il tschintschar variescha dentant fermamain d'in lieu a lauter (il vocabulari specific persuenter exista mo en rumantsch). Il dumber dals puncts munta a 72, ina runda cumpiglia quatter gieus. A Rabius ha gì lieu il schan. 2006 l'emprim campiunadi da troccas dal Grischun. Ils 7-4-2007 è vegnida fundada a Glion l'Uniun grischuna da troccas.</p> Archiv: Ovras: Funtaunas: Litteratura: C. Deplazes, T. - Das Tarockspiel in Graubünden, en: SAVk, 83/1987, 41-59; A. Deflorin, A. Manetsch, Dar troccas, 2002. Adolf Collenberg  Trivulzio, Gian Giacomo Trun  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: