e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Uniun chantunala da puras Uniun da Pius  Uniun cristiana da scola e d'educaziun dal Grischun (UCS) Il 1832 han ils commembers cat. dal Cussegl grond fundà la Societad per la meglieraziun da las scolas cat. dal Grischun. Quella ha, ens. cun l'<elirlink href="aid:2823">Uniun evangelica da scola</elirlink>, fulà via a la scola rurala moderna. Suenter la fundaziun dal <elirlink href="aid:842">Cussegl d'educaziun</elirlink> (chant.) han ellas pers lur impurtanza, e l'uniun cat. è sa schliada gia il 1842. Dal cumbat dals catolics per il cudesch da scola «Sigisbert en Rezia» en disfavur dal «Robinson» (giuditgà paganil) èn sa furmadas tschintg secziuns cat. da scolasts: Cuira e conturns, Val d'Alvra, Lumnezia, Foppa e Cadi. Sin iniziativa da Rest Giusep Caminada (il posteriur uv. Christianus) han var 50 da lur comm. fundà ils 24-4-1919 a Panaduz l'Uniun cat. da scola (emprim pres.: Sep Mudest Nay) cun la finamira da defender la scola e l'educaziun cat., sa distanziond cleramain da l'Uniun svizra da scolasts e da la politica scolastica da quella giuditgada sco laicistica e centralistica. La petiziun dal <elirlink href="aid:820">Corpus catolic</elirlink> dal 1927 en favur d'ina instrucziun separada en ils roms istorgia e pedagogia al Seminari scolastic è vegnida renviada da la Regenza, ella ha dentant quadruplà il dumber da comm. da l'UCS e schendrà trais novas secziuns ils onns 1928-29. Suenter il 1992 è l'quell'uniun sa sviluppada pli e pli ad ina societad cristiana d'observanza ecumenica (sut nov num). Comm.: 1920 130; 1932 999; suenter il 1935 ca. 700; a partir dal 2000 passa 2000.</p> Archiv: Ovras: Funtaunas: Litteratura: Gedenkschrift zum 25jährigen Bestehen des katholischen Schulvereins Graubünden 1919-1944, 1945. Adolf Collenberg  Uniun chantunala da puras Uniun da Pius  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: