e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Uniun grischuna dad hoteliers
Fundada ils 7-9-1918 a Cuira sin iniziativa dad Anton Stiffler-Vetsch da Tavau ch'è era stà l'emprim president. L'Uniun grischuna dad hoteliers aveva en mira da cumbatter en cuminanza ed a moda coordinada la crisa en l'<elirlink href="aid:1395">hotellaria</elirlink>, chaschunada da la guerra mundiala. Già l'onn 1919 dumbrava l'uniun nov secziuns e 69 comm. singuls che represchentavan 20'353 letgs. Ella è s'engaschada ens. cun la Societad fiduziara svizra (fundada il 1921) per l'hotellaria e l'admissiun da l'<elirlink href="aid:737">automobil</elirlink> en il Grischun. A las exposiziuns naz. dal 1939 e 1964 è l'Uniun grischuna da hoteliers sa preschentada cun ina stiva grischuna. Enturn il 1970 è ella s'occupada intensivamain dal fenomen e dals problems dal <elirlink href="aid:2867">turissem</elirlink> da massa ed ha fundà il 1972 la Raststätten AG per influenzar las decisiuns pertenent ils restaurants a l'autostrada A13 (p.ex. Heidiland, S. Vittore). Ella coordinescha era las parolas ed acziuns politicas da la branscha turistica, p.ex. pertenent ils contingents da stagiunaris, il dumber da chanuns da naiv, dumondas sindicalas u la taglia sin la plivalur. Il 2010 represchentava l'Uniun grischuna dad hoteliers bundant 400 manaschis cun strusch 70% da las chombras e passa 80% da las pernottaziuns.</p>
Archiv:
Ovras:
Funtaunas:
Litteratura:
75 Jahre Hotelierverein 1918-1993, 1994.
Adolf Collenberg
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Uniun grischuna da scolasts