e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Uniun forestala grischuna Uniun grischuna da scolasts  Uniun grischuna da medis En l'urden vegl da la citad da Cuira appartegnevan ils medis e chirurgs a la mastergnanza dals pasterners. Il 1700 è sa furmada ina Societas chirurgorum Curiensis. Ils 18-12-1820 è vegnida fundada a Cuira la Aerztliche Gesellschaft des Kantons Graubünden. L'intent da quella era la scolaziun scientifica dals medis e la derasaziun d'enconuschientschas medicinalas tras referats, discussiuns ed organs spezialisads mess en circulaziun. L'emprim pres. è stà Paul Eblin da Cuira. Quest'uniun recepiva era medis dals bogns da Ragaz e dal Principadi dal Liechtenstein. Sin iniziativa da Gion Barclamiu Arpagaus è vegnida endrizzada il 1849 ina cassa d'agid per medis e lur fam. en miseria. Quella è dapi il 1954 ina fundaziun libra da taglias. Il 1875 è l' Uniun grischuna da medis daventada comm. dal Schweizerischer Aerztlicher Centralverein, e dapi quel onn èn ils medis pratitgants en il Grischun automaticamain comm. da l' Uniun grischuna da medis. En ils onns 1923-24 èn dentant 24 dad els sortids da quell'uniun pervia da divergenzas d'opiniun pertutgant ils examens da medischina natirala tenor il plevon Johannes Künzle. L'admissiun da quella medischina natirala ha tribulà onns a la lunga l'uniun. Dapi il 1970 tgira ella relaziuns pli stretgas cun las uniuns parentadas dals dentists ed apotechers e cun la <elirlink href="aid:2822">Societad da veterinaris grischuns</elirlink>. In grond dumber da medis è adina stà activ en la <elirlink href="aid:2831">Societad grischuna per la perscrutaziun da la natira</elirlink>. Comm.: 1830 19; 1890 49; 1909 109; 1970 213, 2010 576.</p> Archiv: ASGR (deposit). Ovras: Funtaunas: Litteratura: Äskulap in Graubünden, 388-420. Adolf Collenberg  Uniun forestala grischuna Uniun grischuna da scolasts  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: