e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Viafier Blinzuna-Mesocco Viafier dal Bernina  Viafier Cuira-Arosa Ils 15-7-1911 è vegnida fundada la Societad Viafier Cuira-Arosa (VCA) suenter lungas discussiuns cuntraversas davart il trassé e la finanziaziun da la viafier. Las lavurs da construcziun han cumenzà il schan. 1912. Malgrà las grondas difficultads topograficas èsi stà pussaivel d'avrir la lingia tenor plan ils 12-12-1914. In' emprima modernisaziunè succedida il 1925 (vaguns). La crisa economica mundiala e la Segunda Guerra mundiala han mess in term a la curta fluriziun da la VCA. Il schan. 1942 ha ella fusiunà cun la Viafier retica. Datas tecnicas: largezza dals binaris 1'000 mm; lunghezza 25,7 km; pendenza maximala 6%; radius minimal 60 m; current cuntinuà 2'400 V dal 1914 fin ils 29-11-1997, alura current alternant dad 11 kV e 16,7 Hz; punts 43; tunnels e galarias 18 (en total 2927 m); vaguns cotschens; il vagun spez. (Express d'Arosa) è da colur blaua. Passagiers 2003: 218'273.</p> Archiv: Ovras: Funtaunas: Litteratura: Chur-Arosa, 1998 (material filmic); F. Skvor, Chur-Arosa-Bahn, en: Schweizer Eisenbahn-Revue, 1998, 534-50. Adolf Collenberg  Viafier Blinzuna-Mesocco Viafier dal Bernina  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: