e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Viscardi, Giovanni Antonio [Wiscard von Trontano] Vischinadi  Vischin Term che deriva dal lat. <em>vicinus</em>, abitant d'in <em>vicus</em> (vitg). En il temp medieval pudevan tut ils vischins, independentamain da l'appartegnientscha sociala, far part da la cuminanza e cundecider davart ils bains communabels. Attestads èn p.ex. il 1084 Lüen, il 1140 Tiraun, il 1186 Plür, il 1213 Poschiavo, il 1260 la Val Curvalda ed il 1268 Malix. Dapi la fin dal sistem feudal e l'emancipaziun dals <elirlink href="aid:2914">vischinadis</elirlink> sco corporaziuns giuridicas, politicas ed economicas autonomas entaifer las dretgiras (15./16. tsch.) designava il term vischin ina persuna che possedeva il <elirlink href="aid:1059">dretg da burgais</elirlink> dal vischinadi da domicil. Mo el giudeva libramain il dretg d'astg e pastg e tut ils dretgs politics. Exclus da quests dretgs eran da princip ils fulasters. Dapi il 20. tsch. munta vischin "quel che stat gist daspera", il conburgais che cundecida en fatgs politics da la vischnanca.</p> Archiv: Ovras: Funtaunas: Litteratura: J. Putzi, Die Entwicklung des Bürgerrechts in Graubünden, 1951. Martin Bundi  Viscardi, Giovanni Antonio [Wiscard von Trontano] Vischinadi  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: