e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Taglia Tamangur  Tain Anteriura vischnanca polit., cirq. Bravuogn, distr. Alvra. Fracziun da Tavau dapi il 2009. Situada a 1437 m lung la via sin la spunda dretga da la Landwasser. 1480 <em>an den Wiesen</em>, tud. Wiesen (uffiz.). 1803 188 abit.; 1850 211; 1900 183; 1950 240; 2000 301. Territori d'alp explotà durant il temp curretic davent dad Alvagni, colonisà ed urbarisà dapi il 13. tsch. tardiv da Gualsers domiciliads a Tavau ch'han germanisà la regiun pauc populada da Rumantschs. La giurisdicziun criminala han exercità ils baruns de Vaz fin il 1338. Il signuradi da Belfort (integrà en la LDD il 1436) è passà successivamain dals Toggenburgs, Monforts e Matschs a l'Austria (1477). Il 1652 ha la vischnanca cumprà ora ils dretgs austriacs. La chaplutta da S. Clau è menz. il 1447, la baselgia en stil gotic tardiv (renovada il 1885) avant il 1500. Il 1553 è T. sa separà ecclesiasticamain dad Alvagni ed ha aderì a la cretta refurmada. Il 1613 èn sa separads ils trais vischinadis da Belfort Dadens da quels da Belfort Dadora, furmond il 1851 in'atgna dretgira civila cun tscherna libra dal landamma. La vischnanca pratitgava surtut l'allevament da muvel ed ina modesta cultivaziun dad ers. Suenter la construcziun da la via tras la Val da la Landwasser (1870-73), è ella sa sviluppada ad in lieu da cura d'aria. Il 1909 ha T. survegnì ina staziun da la lingia da viafier Filisur-Tavau. La fracziun dispona d'ina parahotellaria considerabla; cun l'avertura dal tunnel da la Landwasser (1974) è s'augmentada la part da la populaziun cun activitad da gudogn a T. che pendulescha a Tavau. Il 2000 eran 98% da la populaziun da T. da lingua tudestga.<br /><br /></p> Archiv: Ovras: Funtaunas: Litteratura: Kdm GR 2, 400-04; K. Egli, Die Landschaft Belfort im mittleren Albulatal (Kanton Graubünden), 1978; Davoser Revue, 82/2007, nr 4, 11-40. Jürg Simonett  Taglia Tamangur  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: