e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Tenigia, Bogn Term Bel  Tenna Vischnanca polit., cirq. Stussavgia, distr. Surselva (fin il 2001 Glogn). Aclaun da lingua tud. situà sin ina terrassa al vest da la Val Stussavgia, cun las fracz. dad Ausserberg, Mitte, Innerberg e, ca. 400 m pli bass a la via chant., Acla ed Egschi. 1398 <em>Thena</em>. 1803 157 abit.; 1850 162; 1900 130; 1950 141; 2000 79. Chat singul dal temp da bronz. Anteriur territori d'alp da Valendau. En la segunda mesadad dal 14. tsch. èn immigrads Gualsers a T., prob. sin iniziativa dals Werdenbergs ch'han exercità la suveranitad territoriala fin il 1383. Il 1398 han quels vendì l'alp <em>genant auff Thena</em> als Gualsers domiciliads a T. La curazia da S. Valentin appartegneva a Valendau. Il 1523 è la vischnanca da T. daventada ref. ed è sa separada ecclesiasticamain da Valendau. Ils dretgs suverans ha gì il signuradi da Razén (austr.) dal 1383-1819. Fin il 1851 ha T. furmà in agen cumin entaifer la dretgira auta da la Foppa. L'allevament da muvel e la cultivaziun dad ers furmavan la funtauna d'entrada principala. Il 1885 è vegnida construida ina via d'access a la ruta tras la Val Stussavgia. Fin a l'Emprima Guerra mundiala è T. stà in lieu da cura climatic cun in svilup turistic modest.<br /><br /></p> Archiv: Ovras: Funtaunas: Litteratura: Kdm GR 4, 139-42; Gem. GR, nr 179, 1985; Gem. GR, 2003, 370 s. Jürg Simonett  Tenigia, Bogn Term Bel  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: