e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Terratrembels Terzen  Tersnaus Anteriura vischnanca polit., fusiunada dapi il 2002 cun <elirlink href="aid:171">Camus</elirlink>, <elirlink href="aid:2749">Surcasti</elirlink> ed <elirlink href="aid:3260">Uors-Peiden</elirlink> a la vischnanca polit. da Suraua. La fracz. da T. è situada a l'entrada da la Val S. Pieder. 1362 <em>Terzenaus</em>. 1850 (cun S. Martin) 232 abit.; 1900 (senza S. Martin) 60; 1950 175; 1980 69; 2000 70. Scuverta da craps-scalutta en vischinanza da la baselgia. Territori colonisà ed urbarisà da Rumantschs a partir dal 11. tschientaner. Il 1368 è T. vegnì suttamess sco feud da l'uvestgieu da Cuira als signurs de T. e de Valendau, en il 15. tsch. als conts de Sax-Mesauc. Dapi il 1538 furmava T. in vischinadi cun Uors, Camuns e Duvin. A partir dal 1395 èn immigrads Gualsers a T., als quals è vegnì scumandà il 1457 d'acquistar terren e da maridar al lieu. La baselgia parochiala da S. Apollinari e da Maria Magdalena, menz. per l'emprima giada il 1345, è stada colliada cun S. Vintschegn/Pleif (vischn. da Vella) fin il 1528, alura ha T. constituì ina plaiv cun Surcasti e Camuns, daventada autonoma il 1669. La vischnanca da muntogna tradiziunalmain purila è vegnida reconstruida suenter l'incendi dal 1900 en furma d'ina tavla da schah. Dapi il 1973 na dispona T. betg pli d'ina atgna scola. Dapi ils onns 1970 exista ina cuminanza culturala cun Suraua. La mancanza d'ina infrastructura da basa a T. promova l'emigraziun. Ils da T. vivan surtut da la vendita da laina e dals tschains d'aua. La meglieraziun gen. è vegnida terminada il 1998. Part da la populaziun da lingua rum.: 2000 76%/86% (ML/Lindic). Impurtanta colonia d'utschels-mezmieur (rinolof pitschen) sin il palantschin da la baselgia.<br /><br /></p> Archiv: Ovras: Funtaunas: Litteratura: Kdm GR 4, 215-19; Gem. GR, nr 180, 1985; H. Rutishauser, Die Gesamterneuerung der katholischen Filialkirche St. Martin, T., en: Jber ADG DPG, 1997, 73-78. Adolf Collenberg  Terratrembels Terzen  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: