e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Thalkirch
Fracziun (ens. cun Bäch) da la vischnanca polit. da Stussavgia, cun las culegnas situadas entadim la val. Regiun colonisada oriundamain da Rumantschs a partir da las vals limitrofas, o.t. dal Schons. Ils da T. eran p.p. subdits da l'uvestgieu da Cuira e da sia claustra a Cazas, p.p. eran els libers. Enturn il 1300 han la claustra da Cazas ed ils signurs de Vaz, enturn il 1350 ils signurs de Razén domicilià Gualsers dal Valragn a T. La pitschna populaziun rum. è vegnida alemannisada en pauc temp. Survivì han numerus toponims. Ina da las incumbensas principalas dals colonists gualsers è prob. stada da segirar e mantegnair la veglia ed impurtanta via da sauma che manava da Glion resp. Castrisch sur Pitasch ed il Günerlückli a T. e da là vinavant sur il Piz Calandari al Pass dal Spleia. Il 1441 ha T. obtegnì il dretg da batten e da sepultura ed il 1526 ha la vischnanca adoptà la cretta refurmada. Ina via da colliaziun tr. la glieud <em>im Tall</em> e quels da Versomi è vegnida realisada pir suenter il 1885. <br /><br /></p>
Archiv:
Ovras:
Funtaunas:
Litteratura:
Bundi, Besiedlung; Gem. GR, nr 131, 1982; H. e L. Bandli, Im Safiental, 1991.
Adolf Collenberg
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Tgira da monuments