e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Tràn Tratta  Traona Vischnanca en la provinza tal. da Sunder. En il 12. tsch. tanscheva il Lai da Com fin a T. che aveva qua tras ina grond'impurtanza en la politica da traffic. T. era in lieu-punt a l'<elirlink href="aid:39">Adda</elirlink> ed il center da la <em>communitas montaneae Domopholi</em>, v.d. da tut las vischnancas situadas sin la spunda dretga da la part exteriura da la val. Sut il domini milanais (a partir dal 1335) è la vischnanca da T. stada il lieu principal da la squadra dretga dal Terzal dadora sco era sedia d'in podestat e disponiva d'ina duana installada tar la tur d'Olonia al Lai da Com. A T. eran domiciliadas las fam. Paravicini, Vertemate, Malacrida ed Omodei. A partir dal 1512, sut il domini grischun, residiava puspè in podestat a T. Fugitivs religius tal. èn stads activs a T. a partir dal 1545 sco preditgants (Camillo Renato, Augustinus a Crema). Il 1589 existiva a T. ina pitschna cuminanza ref. da 15 fam. (o.t. da Caspano). Ellas abitavan durant l'enviern a T., avevan in agen plevon e sa reunivan en la baselgia da la S. Trinitad che n'exista betg pli. Ina part da questa cuminanza è vegnida assassinada il 1620 durant il <elirlink href="aid:2086">Murdraretsch en Vuclina</elirlink>. Il 1638 sa chattava a T. il quartier principal dal general franz. François Annibal d'Estrées. Il 1797 è T. passà cun la <elirlink href="aid:3024">Vuclina</elirlink> a la Republica cisalpina.<br /><br /></p> Archiv: Ovras: Funtaunas: Litteratura: Camenisch, Reformation und Gegenreformation; D. Songini, Storie di T.: Terra buona, 2004. Martin Bundi  Tràn Tratta  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: