e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Travers, Johann Viktor (von Ortenstein) Trepp, Martin  Trent Chapitala da la provinza da Trent situada en l'Italia dal Nord a la sbuccada da la Val Sugana en la Val da l'Adisch, tal. Trento, tud. Trient. Center da traffic al pe dals pass alpins dal Brenner e dal Raisch. Sut il domini langobard è il <em>Tridentum</em> rom. daventà la sedia d'in ducadi. A partir dal 950 ha l'imp. Otto il Grond incorporà T. sco part dal territori da Verona a l'Imperi tudestg. Dapi l'entsch. dal 11. tsch. furmava T. in uvestgieu ed in principadi imperial ecclesiastic che possedeva gia il contadi da Bulsaun. Cun la cessiun dal contadi dal <elirlink href="aid:3021">Vnuost</elirlink> tras l'imp. Konrad II il 1027 ha T. pudì extender considerablamain sia pussanza. Ils conts de Tirol han però impedì sco chastellans dal chapitel catedral il svilup da T. a la suveranitad territoriala cumplaina cun sa patrunar en il 13. tsch. da numerus dretgs e bains. En il Vnuost hai dà interferenzas da dretgs tr. ils uvestgieus da T. e Cuira. Il 1226 èn sa cunvegnids l'uv. da Cuira Rudolf von Güttingen ed il chapitel catedral da T. d'exercitar a moda alternanta ils dretgs da patrunadi da la baselgia da S. Gion en il Tirol e da quella da S. Martin a Passeier. La dumonda, schebain T. appartegnia a la Germania u a l'Italia, è restada contestada durant quest temp. Entant ch'ils retgs ed imperaturs tud. consideravan la diocesa da T. sco tud., reclamava la Curia rom. quella per l'Italia. Ils 22-1-1282 ha però l'uv. da Cuira, Konrad von Belmont, confermà expressamain l'appartegnientscha da l'uvestgieu da T. a l'Italia. Sin fundament da sia posiziun da cunfin ha gì lieu a T. il 1545-63 il Concil da T., numnà tenor la citad. Il 1803 è T. passà a l'Austria ed il 1918, tras il Contract da Saint-Germain, a l'Italia.<br /><br /></p> Archiv: Ovras: Funtaunas: BUB 1-3. Litteratura: G. Ciccolini, Rapporti storici fra il Trentino e l'Alto Adige, en: Studie trentini di scienze storiche 1950, 3-31. Martin Bundi  Travers, Johann Viktor (von Ortenstein) Trepp, Martin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: