e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Tschiertscha
Anteriura vischnanca polit., cirq. Curvalda, distr. Plessur. Fusiunada il 2009 cun <elirlink href="aid:2034">Prada</elirlink> a la vischnanca polit. da T.-Prada. Vitg a mantun situà a 1351 m da la vart sanestra da la Val Scanvetg. Fin dal 8. tsch. <em>in Cercene</em>. 1803 130 abit.; 1850 124; 1870 160; 1900 139; 1950 174; 2000 225. Chat da munaidas dal temp roman. Culegna rum. tempriva cun cultivaziun dad ers cumprovada. Ils bains da la claustra da Curvalda, menz. il 1222, decleran l'orientaziun da T. sur il Joch vers il vest e l'appartegnientscha da la vischnanca al signuradi da Strassberg. Sco possessurs da quels vegnan numnads il 1275 ils Vazs, suenter il 1338 ils Toggenburgs, Montforts e Matschs. Il cumin da Curvalda, sortì dal signuradi da Strassberg, cun il vischinadi da T., è s'unì il 1436 a la LDD. Ecclesiasticamain appartegneva T. a S. Gieri/Castiel. La chaplutta consecrada als ss. Giachen e Cristoffel vegn menz. per l'emprima giada il 1405. Il 1472 ha la pravenda obtegnì in plevon. T. ha introducì la refurmaziun ed erigì il 1550 in'atgna baselgia parochiala. Enturn il 1570 è la vischnanca vegnida germanisada da Gualsers. Il 1649 ha T. cumprà ora ils dretgs austr. applitgads dapi il 1466. La via charrabla, construida il 1893-94, ha effectuà in svilup turistic ch'è sa repetì cun la construcziun da runals a partir dal 1952. Il 2008/09 disponiva T. da 110 letgs d'hotel e da ca. 320 letgs en la parahotellaria. Meglieraziun gen. 1977-98.<br /><br /></p>
Archiv:
Ovras:
Funtaunas:
Litteratura:
Kdm GR 2, 211-14; Gem. GR, nr 189, 1985; SO, 26-1-1999; Gem. GR, 2003, 388 s.
Jürg Simonett
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Tschentaments