e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Uors
Anteriura vischnanca polit., cirq. Lumnezia, distr. Surselva (avant il 2001 Glogn), situada sur la chavorgia da la Val Mulin a la confluenza dal Glogn e dal Rain da la Val S. Pieder. Punct da contact da las punts da colliaziun tr. la Lumnezia Sura e la Val S. Pieder. Il 1963 ha U. fusiunà cun <elirlink href="aid:2019">Peiden</elirlink> a la vischnanca polit. dad Uors-Peiden, dapi il 2002 furma ella ina fracz. da la vischnanca polit. da Suraua. 831 <em>villa Vorce</em>, 1290 <em>Furze</em>. 1850 156 abit.; 1900 104; 1950 97; 1960 91.<br />En il temp medieval è la vischnanca dad U. stada suttamessa, sco feud da l'uvestgieu da Cuira, als signurs de Belmont fin il 1371, a partir dal 1390 als conts de Sax-Mesauc. Il 1538 ha la vischnanca cumprà ora ils dretgs feudals, e fin il 1851 ha ella furmà ina vischinanza cun Tersnaus e Duvin. Ecclesiasticamain ha U. appartegnì l'emprim a S. Vintschegn a Pleif/Vella, a partir dal 1528 a Surcasti. Dad U. han fatg part fin il 1903 las culegnas da Cresta e da Caglia (bandunadas) sco era quella da Runs sin la terrassa da Camuns. La vischnanca è stada en roda lieu da cumin da la Lumnezia. Dapi il 1970 existan ad U. in center da scola primara (enfin il 2008) ed in center cultural per U., Peiden, Camuns, Tersnaus e Surcasti che furman dapi il 2002 la vischnanca polit. da Suraua.</p>
Archiv:
Ovras:
Funtaunas:
Litteratura:
Kdm GR 4, 155-57; Gem. GR, nr 195, 1984; Gas. Rom., 17-8-1991.
Adolf Collenberg
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Unterwegen, ab [von]