e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Uri URS  Urmagn Vischnanca polit., cirq. Tusaun, distr. Rain Posteriur (avant il 2001 Mantogna). Vitg a mantun situà a 1264 m sin la Mantogna Dadens. 1156 <em>Hof de Ormen</em>,  tud. Urmein (uffiz.). 1803 158 abit.; 1850 133; 1900 89; 1950 90; 2000 81. Enturn il 1150 appartegneva U., sco part da la curt da Flearda, a la claustra da Cazas. Signurs territorials èn stads ils de Vaz fin il 1337, alura ils de Werdenberg e de Razèn, a partir dal 1475 l'uvestg da Cuira. U. è vegnì germanisà davent da Tschupegna. La refurmaziun è succedida tr. il 1530 ed il 1540. Ecclesiasticamain ha U. fatg part da Purtagn. Il 1670 è la vischnanca sa separada, ens. cun Flearda, da Purtagn. Construcziun da la baselgia 1720-22. Dapi il 1725 furma U. ina pravenda autonoma. Il 1709 ha la vischnanca cumprà ora ils davos dretgs episcopals. Fin il 1851 furmava ella ina vischinanza dal cumin da la Mantogna. L'intschess da l'Anugl sut la vischnanca è periclità permanentamain da bovas. La via per Tusaun è vegnida construida 1900-01. Ils dad U. han pratitgà fin viaden ils onns 1970, sper l'allevament da muvel, era in pau agricultura. Domiciliaziun da bains a la periferia en connex cun la meglieraziun dal funs a partir dal 1960. U. ha mantegnì l'aspect tradiziunal dal vitg grazia a la concentraziun da las chasas da vacanzas ad U. Sura. Dapi il 2005 è la vischnanca commembra dal consorzi da scola da la Mantogna Sura.</p> Archiv: Ovras: Funtaunas: Litteratura: Kdm GR 3, 223 s.; Gem. GR, nr 196, 1984. Jürg Simonett  Uri URS  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: