e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Fracziuns Framassunaria  Fraele, Val Vallada en la regiun da funtauna superiura da l'Adda che s'extenda sin ina lunghezza da 4,5 km al nordvest da Buorm/Premadio, cun il center da S. Giacomo di F. (1939 m), tal. Valle di Fraéle. Utilisada antruras savens dal traffic da transit internaz. per passar da l'Italia via Buorm e Zernez en il Tirol. In'alternativa al Pass da l'Umbrail era il passadi sur Cruschetta en Val Müstair u sur il Pass d'Alpisella (2285 m) a Livign e sur il Chaschauna a S-chanf en l'Engiadin'Ota. Gia en il 12. tsch. è attestà  ina <em>hostaria </em>a S. Giacomo. A partir dal 14. tsch. è vegnì explotà fier en la regiun da la Val F., o.t. en la Val Bruna ed a Pedenoletto. Per transportar il fier avev'ins construì vias ed indrizs spezials sin la spunda vers Buorm. Perditga da quai dattan anc oz las restanzas da la senda da sauma sur il Passo delle Scale e las duas Torri di Fraéle. Tr. il 1928 ed il 1956 han ins enchaschà en etappas las auas da la Val F. ed accumulà ellas en gronds lais da cumpensaziun che cuvernan oz las anteriuras culegnas da Cancano, Campascio, Ponte del Forno, Presure, S. Giacomo (cun sia baselgia) sco era ils furns da cular fier e la veglia staziun da duana. La Via imperiale d'Alemagna ha pers sia impurtanza.</p> Archiv: Ovras: Funtaunas: Litteratura: M. Gianasso, Guida turistica della provincia di Sondrio, 1979, 302, 308, 310. Martin Bundi  Fracziuns Framassunaria  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: