e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Malenc, Val
Val laterala da la Vuclina che s'extenda da <elirlink href="aid:3417">Sunder</elirlink> fin al <elirlink href="aid:2003">Pass dal Müret</elirlink> (2562 m), tal. Valmalenco. Il lieu principal è Chiesa (962 m). La Val M. era gia en il temp medieval ina vischinanza spez. (<em>quadra, vicinantia</em>) entaifer la vischnanca da Sunder; ella aveva il dretg da votar a las radunanzas da cussegl ed il duair da pajar dieschmas. En il temp dals Viscontis era sa constituida en la val in'autonomia administrativa, respectada era sut il domini grischun. La Val M. cumpigliava sis <em>quadras</em> cumpetentas d'eleger lur agens funcziunaris sco era d'incassar las dieschmas, fixar las taglias, manar la contabilitad e reglar las fatschentas economicas en atgna autonomia. Las <em>quadras</em> tschernivan ultra da quai era ils delegads a las radunanzas annualas da la vallada che reglavan ils affars economics communabels. En il 16. tsch. è sa furmada ina minoritad prot. ch'è vegnida supprimida totalmain il 1620 suenter il <elirlink href="aid:2086">Murdraretsch en Vuclina</elirlink>. L'industria da lavetsch da la Val M. giudeva renum; a l'entsch. dal 21. tsch. devi en la val mo pli intginas paucas interpresas mecanicas activas en l'elavuraziun dal lavetsch, il material primar (plattas da tetg, pignas da lavetsch) vegn dentant exportà en l'entira Svizra.</p>
Archiv:
Ovras:
Funtaunas:
Litteratura:
N. Canetta, Valmalenco, 1984²; L. de Bernardi, Valmalenco, [1998?]; DRG 12, 271-73.
Martin Bundi
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Malans, Sentenzia da 