e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Tamangur Tanner, Simon  Tamina, Val Vallada che collia la regiun da Sargans cun la Val Calfeisen e sur il Pass dal <elirlink href="aid:1993">Cunclas</elirlink> cun las vals dal Rain grischunas. La Val T. furma il cunfin settentriunal dal Grischun cun il Calanda e cun l'alp da Mastrils. Ella fascheva part da l'uschen. Via da muntgs medievala che manava da Faveras a Mustér ed era appreziada sco ruta secundara per il traffic da sauma e per guntgir ils dazis a la Val dal Rain da Cuira. Per la segirtad garantiva dapi il 1206 la fortezza da Wartenstein/Ragaz. Il 1799 è arrivà il gen. Joseph Laurent Demont cun sias truppas tras la Val T. en Surselva. En la chavorgia da la T. sa chatta ina funtauna termala utilisada dapi il temp medieval tempriv.</p> Archiv: Ovras: Funtaunas: Litteratura: GLS 5, 755; F. Maissen, Vom Kunkelspass im 17. Jh., en: BM, 1962, 127-43. Adolf Collenberg  Tamangur Tanner, Simon  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: