e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Lehmann, Heinrich Ludwig Lembra, Pass da la  Lei, Val da Vallada auta en las vischnancas da Plür e da Calantgil situada en l'intschess dal Rain Posteriur. La val s'extenda sur 15 km ad in'autezza da 2000 m ed ha ina surfatscha da 51 km<sup>2</sup>. 1355 <em>de Leylo</em>, tal. Valle di Lei. Enturn la mesadad dal 14. tsch. è la Val da L. stada abitada temporarmain durant l'entir onn da colonists derivants dal sid. Pli tard è ella vegnida explotada sco pastgira, cun las alps chargiadas cun biestga chatschada dal sid sur ils pass da L. e d'Angeloga. Il 1462 han ils conts von Werdenberg-Sargans vendì lur possess a la vischnanca da Plür. En il 17. tsch. han ins explotà minerals en la Val da L. Cura che las Trais Lias han pers la Vuclina il 1797 è la val daventada ina zona da cunfin. Sin la spunda occidentala sa chattan pitschnas alps. Cun la correctura dals cunfins tr. la Svizra e l'Italia (1962-63) èn var 45 ha da la val vegnidas attribuidas a la vischnanca da Calantgil, cumprais il mir da serra dal nov batschigl da las OE Rain Posteriur (197 miu. m³).</p> Archiv: Ovras: Funtaunas: Litteratura: H.E. Pappenheim, Der Streit zwischen Italien und Graubünden um das Val di L., en: BM, 1947, 164-218; B. Mani e.a., Cudasch da Schons, 1961², 322-31; Unter Strom, 2006. Jürg Simonett  Lehmann, Heinrich Ludwig Lembra, Pass da la  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: