e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Versomi
Vischnanca polit., cirq. Glion, distr. Surselva (avant il 2001 Glogn), situada lung la via, cun V. Staziun, Arezen, Calörtsch, <elirlink href="aid:2695">Sculm</elirlink> e div. bains sur la chavorgia dal Rain Anteriur ed a l'entrada en la Val Stussavgia. 1050 <em>a valle Versami</em>a, tud. Versam (uffiz.). 1803 357 abit.; 1850 396; 1900 316; 1950 354; 2000 255. Guaud roial durant il temp autmedieval, cun insaquants paucs bains abitads da Rumantschs. A partir da la segunda mesadad dal 14. tsch. èn sa domiciliads Gualsers da lingua tud. en las zonas perifericas da V. En il 15. tsch. è la vischnanca vegnida germanisada cumplettamain. Il center dal domini territorial era il chastè da Valendau. A partir dal 17. tsch. tempriv è la vischnanca da V. sa separada successivamain da quella da Valendau. La refurmaziun ha inizià il 1523, la baselgia è vegnida construida il 1634. V. è vegnì renconuschì sco vischnanca autonoma pir enturn il 1800, il 1901 è ella vegnida amplifitgada cun ils aclauns d'Arezen e Sculm. Las funtaunas da gudogn principalas eran l'agricultura e l'allevament da muvel. La via charrabla da Panaduz a V. e Glion è vegnida realisada il 1880-81, quella en la Val Stussavgia il 1882-85. La staziun da la Viafier retica exista dapi il 1903.</p>
Archiv:
Ovras:
Funtaunas:
Litteratura:
S. Sutter-Juon, Aus Versams Vergangenheit, en: BM, 1929, 180-88; Gem. GR, nr 203, 1982; E. Bardill, Leben am Rande der Schlucht, en: TG, 2002, nr 5, 18-20.
Jürg Simonett
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Versell, Walter