e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Ziràn-Reschen Zogg, David  Ziteil Sanctuari da Nossadunna situà a 2434 m en il territori da la vischnanca da Salouf. L'enconuschenta baselgia da Z. è il lieu da pelegrinadi il pli autsituà en Europa. La stad 1580 duai Nossadunna esser cumparida là a dus uffants pasturs. Emprima documentaziun da la baselgia 1679, consecraziun da la baselgia renovada 1710. Il bajetg transfurmà il 1846-49 è vegnì remplazzà il 1959 tras in edifizi nov. Il sanctuari vegn custodì dal plevon da Salouf (1637-44 e 1726-1949 paders chaputschins). Il 1848 han ins construì ina chasa da pelegrins a Z. ch'è vegnida engrondida il 1914 ed il 1949. Z. è in motiv impurtant en la litteratura rum. (Alexander Lozza, Alfons a Flugi) sco era en la musica (Ernst Broechin) ed en l'art (Giovanni Segantini). Z. è vegnì frequentà il 1978 da 4'387 pelegrins.</p> Archiv: Ovras: Funtaunas: Litteratura: Kdm GR 3, 278-80; D. Loza, 400 onns pelegrinadi a Z., 1979; Radioscola, 27/1981, 3. cudeschet, 3-9; W. Frei-Cantieni, Segantini und Z., en: BM, 1986, 327-34. Adolf Collenberg  Ziràn-Reschen Zogg, David  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: