e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Theus, Peter Thietmar  Thiele, Johann Georg Philipp * 9-5-1745 a Hamburg, † 5-3-1824 a Hamburg, evang., da Hamburg. Figl d'in commerziant. &#8734; 1) Rosa n. Felix, da Zezras, 2) 1803 Dorothea Louise n. Schneider, da Pirmasens (Rheinland-Pfalz). Scolaziun a l'Academia da commerzi e studis a l'Univ. da Göttingen 1774-77, dr.fil. Magister da linguas veglias e d'istorgia al Philanthropinum a Marschlins, nua ch'el ha scrit ina «Lateinische Sprachlehre in Tafeln» (1778). Magister a la Scola militara a Colmar (Alsazia) 1777-80, alura lector e bibliotecar a l'Univ. da Heidelberg. Rectur da las scolas da la citad da Cuira 1783 e refurmatur da quellas. Collavuratur dal «Sammler». Fermamain engaschà sin il champ da la scolaziun dal pievel en il senn da l'Illuminissem. Resident a Frankfurt aam Main, Strassburg ed utrò a partir dal 1887. Autur da numerusas translaziuns, o.t. da classichers grecs. Promovì dad Ulysses von Salis, ami dal medi Johann Georg Amstein e da Petrus Dominicus Rosius a Porta.<br /><br /><br /><br /></p> Archiv: Ovras: Allgemeine Sprachtafeln für Deutsch, [1883]. Funtaunas: Litteratura: G. Sieveking, Notizen zur Lebensgeschichte des Magisters T., des ersten Übersetzers der «Räteis», en: Rätia, 8/1944/45, 23-35, 49-58. Adolf Collenberg  Theus, Peter Thietmar  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: