e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Truog, Leonhard Tschamut  Truog [-Saluz], Tina * 10-12-1882 a Cuira, † 25-3-1957 a Cuira, ref., da Cuira, Crusch, Aschera e burgaisa d'onur da Lavin (1952). Figlia da Peder Saluz, inschigner, e da Cornelia n. Schulthess, da Turitg. ∞ 1906 Werner T., droghist a Cuira. Scolas a Berna ed a Cuira, instrucziun tar Leonhard Ragaz, patenta da magistra a Cuira 1901. Viadis da studi a Genevra e Firenza. Scriptura e publicista a partir dal 1918. T. è daventada renumada sin plaun internaz. cun ses romans «Peider Andri» e «Die Dose der Frau Mutter» (omadus 1921), cumparids en pliras ediziuns. L'unica ovra rum. da T. è il «Bapsegner Testard» (1949). En sia ovra defenda ella valurs sco l'amur per il proxim, la buntad e la fidaivladad. Caracteristicas èn sias figuras femininas dischinteressadas, ma conscienziusas e segiras. L'ovra da T. vala per la perscrutaziun etnologica engiadinaisa sco material documentar impurtant. Pres. da la Societad svizra d'utilitad publica da las dunnas svizras ed inizianta da la Chasa Casanna (oz sedia da l'Archiv da cultura da dunnas dal Grischun). Premi da la Fundaziun Schiller 1936. Archiv: Ovras: Funtaunas: Litteratura: P.U. Carl, Die Bündner Schriftstellerin Tina T.-Saluz (1882-1957), 2007 (cun reg. d'ovras). Silke Redolfi  Truog, Leonhard Tschamut  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: