e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Tscharner, Johann Friedrich von Tscharner, [von]  Tscharner, Peter Conradin von * 17-12-1786 a Cuira, † 5-7-1841 a Cuira, ref., da Cuira. Figl da <elirlink href="aid:3100">Johann Baptista</elirlink> (*1751) e da Elisabeth n. von Salis. Frar da <elirlink href="aid:3104">Johann Friedrich</elirlink>. &#8734; Esther Christine Wredow, figlia da <elirlink href="aid:3220">Christian Carl Wredow</elirlink>. Seminaris filantropins a Gianin ed al chastè da Rehanau, stud.iur. ad Erlangen 1797-1800. Uffizier da las truppas grischunas en il Piemunt ed en Frantscha, primlitinent en il stab gen. confederal. Sco negoziader a Turin è T. stà in dals promoturs decisivs da la nova via sur il S. Bernardin. Directur da la posta dal chantun Grischun 1825. Redactur (cun Georg Wilhelm Röder) da la «Bündner Zeitung» 1830-35, sco tal engaschà cunter il radicalissem e l'ulteriura amplificaziun dals dretgs dal pievel en il Grischun, ma decididamain per ina nova const. confederala. A partir dal 1839 è el stà redactur da la gasetta moderada «Churer Wochenblatt». T. ha scrit raquints, poesias e cumposiziuns da chanzuns sco era in manual davart la gestiun en scrit (1835). El è stà cunautur da l'ovra istoric-geografica «Der Kanton Graubünden» (1838, ens. cun Georg Wilhelm Röder).</p> Archiv: Ovras: Funtaunas: Litteratura: Metz, Graubünden 1, 283. Adolf Collenberg  Tscharner, Johann Friedrich von Tscharner, [von]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: