e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Uffer, Giatgen Uffer, Margarita  Uffer, Leza * 4-9-1912 a Tinizong, † 2-8-1982 a S. Gagl, cat., da Suagnign. Figl da <elirlink href="aid:3116">Giatgen</elirlink>. Frar da <elirlink href="aid:3118">Margarita</elirlink>. &#8734; Josy n. Hasler. Gimnasi a S. Gagl e Sviz, studi da romanistica e d'istorgia d'art a Turitg, Roma, Firenza, Perugia, Genevra e Paris. Promoziun a l'Univ. da Turitg 1939 («Rätoromanische Märchen und ihre Erzähler», publitgà 1945). Magister a la Scola chant. da S. Gagl 1937-78, lectur per rumantsch a la Scola auta da commerzi da S. Gagl, incumbensa d'instrucziun per lingua e litteratura rum. a l'Univ. da Genevra. U. è stà in impurtant rimnader, perscrutader ed editur da paraulas rum. ed ha publitgà las collecziuns da poesias «Rosas melnas» (1948) e «Dudisch Sonets toscans» (1958). El ha stgaffì ina lingua da scrittira rum. surregiunala ("interrumantsch"), concepida sin la basa dal surmiran. Ultra da quai ha el producì emissiuns rum. per radio e televisiun ed è stà il 1946 iniziant e fin il 1948 editur da la gasetta «Igl Grischun Central».</p> Archiv: Ovras: Funtaunas: Litteratura: Bezzola, Litteratura, 667 s.; Annalas, 96/1983, 222-28 (cun fotogr.); Sulom, 62/1983. Ursina Guldemond-Netzer  Uffer, Giatgen Uffer, Margarita  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: