e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Vargistagn Vaz  Vasella, Oscar * 15-5-1904 a Cuira, † 20-12-1966 a Friburg, cat., da Poschiavo. Figl da Pietro, ferrer d'armas, e dad Emilia n. Gervasi. &#8734; 1942 Ursulina n. Vieli, mussadra. Gimnasi a Mustér, Saint-Maurice/VS e Sarnen. Studi d'istorgia e da filosofia a Friburg, promoziun il 1928 cun ina dissertaziun davart la claustra da predicaturs S. Nicolai a Cuira. Ulteriurs studis a Berna, Paris e Berlin, abilitaziun il 1931 a l'Univ. da Friburg davart las relaziuns da scolaziun en l'uvestgieu da Cuira en il temp medieval tardiv. Prof. d'istorgia svizra a l'Univ. da Friburg 1933-66, rectur 1948-50, vicerectur 1950-52. Pres. da la Allgemeine Geschichtforschende Gesellschaft der Schweiz 1956-60. Redactur da la «Zeitschrift für schweizerische Kirchengeschichte» 1932-66. Ils champs da perscrutaziun da V. eran l'istorgia grischuna, il temp medieval tardiv svizzer, la Refurmaziun, la Refurma cat. e la Cuntrarefurma. V. è stà in dals represchentants ils pli profilads da la perscrutaziun cat. da l'istorgia en il segund terz dal 20. tsch. ed ha marcà sco magister in'entira generaziun dad istorichers catolics.   </p> Archiv: Ovras: Geistliche und Bauern, edì dad U. Brunold, W. Vogler, 1996. Funtaunas: Litteratura: Festschrift Oskar V., 1964 (cun reg. d'ovras); M. Jorio, Oskar V. (1904-1966) - ein bedeutender Reformationshistoriker, en: Zeitschrift für schweizerische Kirchengeschichte, 90/1996, 83-99 (cun reg. d'ovras). Marco Jorio  Vargistagn Vaz  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: