e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Verendarius Vermunt  Vergerio, Pietro [Pier] Paolo * 1498 a Capodistria (Republica da Vaniescha, oz Slovenia), † 4-10-1565 a Tubinga, da Capodistria. Stud.iur. a Padua. Nunzi en Germania a partir dal 1533. Consecrà uvestg da Modrus en Croazia il 1536, alura uvestg da Capodistria. Tras contacts cun exponents dals "spirituali" (refurmists cat. che vulevan renovar internamain la Baselgia) e cun refurmaturs tud. ha el cumenzà a cultivar ideas refurmatoricas ed è perquai vegnì denunzià sco luteran il 1544 e mess avant dretgira a Vaniescha il 1546. Il 1549 ha V. bandunà Capodistria ed ha chattà refugi a Cuira ed a Poschiavo. Dal 1550-53 è el stà plevon a Visavraun, nua ch'el è stà activ era sco publicist, stabilind contacts cun ils centers ref. da Basilea, Genevra e Turitg. Dolfino Landolfi ha stampà pregias e publicaziuns da V. ch'èn vegnidas derasadas er en l'Italia, sco era «Instruttione christiana» (1549), l'emprim catechissem prot. en talian. Il 1553 è el sa translocà a Tubinga sco cusseglier dal duca (luteran) Christoph von Württemberg ch'ha delegà el sco missiunari diplomatic en Germania, en ils territoris da la Confed. e da las Trais Lias (1561) ed en Pologna. V. è stà il teolog il pli impurtant tr. ils exilants tal. en il Grischun, el era dentant en ina relaziun da tensiun permanenta cun la Sinoda retica ch'ha snegà ina sinoda mo per il Grischun tal. e la Vuclina sut sia direcziun. Instigader dals iconoclasts da S. Gaudenzio/Casaccia 1551. El ha refusà la Confessiun retica (1553). </p> Archiv: Ovras: Funtaunas: Litteratura: A.J. Schutte, Pier Paolo V. e la Riforma a Venezia, 1498-1549, 1988 (engl. 1977); S. Cavazza, Pier Paolo V. nei Grigioni e in Valtellina, en: Riforma e società nei Grigioni, Valtellina e Valchiavenna tra '500 e '600, edì dad A. Pastore, 1991, 33-62; Pier Paolo V. il Giovane, un polemista attraverso l'Europa del Cinquecento, edì dad U. Rozzo, 2000; Bonorand, Reformatorische Emigration, o.t. 57-60, 282-86. Emidio Campi  Verendarius Vermunt  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: