e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Vnuost Völker, Karl  Vogelsanger, Jakob * 1-7-1849 a Beggingen/SH, † 12-4-1923 a Turitg, ref., da Beggingen e Turitg. Figl da Jakob, pur, schurnalier. &#8734; 1) 1873 Rosine Susanna n. Steinemann, da Lauperswil/BE,  2) 1879 Elisabetha n. Müller, figlia da Georg, da Niederbipp/BE. Gidanter d'orticultura a Wollishofen/ZH 1866-70, collavuratur liber a partir dal 1868 e redactur auxiliar dal «Grütlianer» a Berna 1870-72. Gidanter d'ina chasa editura a Berna 1872-75. Fin il 1878 cunredactur dal «Grütlianer» a Wintertur, alura redactur principal a Berna, Cuira (1880-90) e Turitg (1890-92). Comm. dal Cussegl grond da la citad da Cuira 1881-90, pres. da l'Associaziun dal Grütli dal Grischun 1887-89 e delegà da quella al congress constitutiv da la II. Internaziunala a Paris (1889). A partir dal 1891 sesent ad Oberstrass (oz vischn. da Turitg). Comm. dal Cussegl pitschen da la citad da Turitg 1892-1919, comm. dal Cussegl grond dal chantun Turitg 1892-1905 e 1907-11. Cuss. naz. turitgais 1890-1905. Redactur da la «Bündner Volkswacht» 1917-19. Confundatur da la chascha da malsauns Grütli. V. ha appartegnì als Grütlians ils pli impurtants ed è stà l'emprim represchentant socialdem. en il Cussegl munic. da Cuira ed en il Cussegl naz., nua ch'el è s'unì cun la gruppa engaschada en la politica sociala.   <br /><br /><br /></p> Archiv: Acitad da Turitg. Ovras: Der schweizerische Grütliverein, 1883. Funtaunas: Litteratura: Gruner, Bundesversammlung 1, 121 s.; M. Bundi, Arbeiterbewegung und Sozialdemokratie in Graubünden, 1981, 30 s.; E. Gruner, Arbeiterschaft und Wirtschaft in der Schweiz 1880-1914, t. 3, 1988, 752-54. Markus Bürgi  Vnuost Völker, Karl  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: