e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Vonmoos, Nuot Vonmoos [Famos], Jon  Vonmoos, Schimun * 1-7-1868 a Ramosch, † 29-7-1940 a Scuol, ref., da Ramosch. Figl da Not, commerziant en l'Italia, e dad Uorschla n. Bardola, da Martina. Frar da <elirlink href="aid:3167">Jon</elirlink>. &#8734; 1) Luisa n. S-charplatz, da Strada, 2) Angiolina n. Valentin, scriptura. Gimnasi a Cuira, stud.teol. a Jena, Berlin, Heidelberg e Turitg. Recepì en la Sinoda retica 1892. Plevon a Ramosch 1892-1940, dasperas apicultur, orticultur, chatschader e scriptur. V. ha cumenza a publitgar pir cun 55 onns. Ses raquints, sias skizzas, reflexiuns e poesias dattan perditga d'in fin sensori d'observatur. V. vala sco il renovatur dal raquint rumantsch ladin. Ses raquints ils pli enconuschents èn «La vacha cranzla» (1924), «Las chotschas d'pel da Not Rasdür» (1928) ed «Il corn da puolvra dad Abraham» (1938, ill. dad Alois Carigiet).<br /><br /> <br /><br /></p> Archiv: Ovras: BR, nrs 5684-87. Funtaunas: Litteratura: Bedeutende Bündner 2, 448-51; Bezzola, Litteratura, 450-57; Deplazes, Funtaunas 3, 192 s.; Deplazes, Die Rätoromanen, 274-82. Manfred Gross  Vonmoos, Nuot Vonmoos [Famos], Jon  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: