e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Waller, Adalgott Walser, Eduard  Walser, Andreas * 13-4-1908 a Cuira, † 19-3-1930 a Paris, ref., da Sievgia e Cuira (dapi il 1915). Figl da Peter, plevon e decan, e dad Elsbeth Agatha n. Gerber, da Curvalda. Nubil. Gimnasi a Cuira, matura 1928. Activ gia da giuven en il champ da l'art, ha W. visità durant ses temp da scola Augusto Giacometti ed Ernst Ludwig Kirchner ch'han promovì el. A partir dal 1928 ha W. lavurà en in agen atelier a Paris ed ha emprendì d'enconuscher Pablo Picasso e Jean Cocteau. Il 1929 ha Maurice Tabard introducì el en la tecnica da la fotografia. W. è stà fitg productiv sco pictur e litterat. Galerists e collecziunaders èn s'interessads en la medema maniera per sia ovra d'art liada al cubissem sintetic. L'artist, mort cun mo 22 onns, è crudà l'emprim en emblidanza, fin che las emprimas retrospectivas a Cuira, Wintertur e Paris (Centre Culturel Suisse) èn vegnidas deditgadas ad el enturn la mesadad dals onns 1990. En il film documentar «Die Nacht ist heller als der Tag» dal 2007 ha Heinz Bütler raquintà la vita da W.</p> Archiv: Ovras: Funtaunas: Litteratura: BLSK, 1094 s.; Andreas W. 1908-1930, edì da M. Obrist, 2001; R. Koella e.a., Andreas W., en: Schweizer Monatshefte, 81/2001, nr 10, 11-43; Andreas W., Gaudenz Signorell - ein Dialog, edì da B. Stutzer, M. Obrist, 2006; NZZ, 17 e 18-3-2007. Thomas Freivogel  Waller, Adalgott Walser, Eduard  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: