e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Willi, Daniel Willi, Georg  Willi, Dominicus * 21-4-1844 (Martin Carl) da Domat, † 6-1-1913 a Limburg an der Lahn (Hessen), cat., da Domat. Figl da Leonhard Anton, uffizier en servetsch roial napolitan, pur e president com., e dad Anna n. Bieler. Gimnasi a Nossadunnaun 1855-61. Entrada en la claustra cisterziensa da Mehrerau (Vorarlberg) 1861. Studi da teologia e filosofia a Nossadunnaun 1863-65, alura a Mehrerau 1865-67, nua ch'el è vegnì ordinà sacerdot il 1867. A Mehrerau è el stà prefect da la scola claustrala, rectur e priur (1878). Sco priur ed administratur ha el stà participà a la reavertura da la claustra da Marienstatt en il Rheinland (1888), da la quala è el stà avat a partir dal 1890. Uvestg da Limburg an der Lahn (Hessen) 1898-1913. W. valeva sco um da la reconciliaziun. El ha publitgà pliras lavurs scientificas davart l'istorgia da ses urden, tr.a. il 1892 l'ovra «Album Wettingense» (1904²). Dr. teol.h.c. da l'Academia da Münster 1898.<br /> </p> Archiv: Ovras: Funtaunas: Litteratura: Gatz, Bischöfe 1785/1803, 817 s.; K. Schatz, Die Geschichte der Diözese Limburg, 1983. Theo Haas  Willi, Daniel Willi, Georg  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: