e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Zarn, Marcus Zernez  Zendralli, Arnoldo Marcelliano * 4-8-1887 a Roveredo, † 10-6-1961 a Cuira, cat., da Roveredo. Figl da Giulio, pur e pictur, e da Tommasa n. Schenardi. &#8734; Maria Helena n. Zellweger, figlia da Leopold, cdt da la guardia da cunfin. Scolas obligatoricas a Roveredo, Seminari scolastic a Cuira (patentà il 1904), alura studi da romanistica a las univ. da Jena, Firenza e Genevra, dr.fil. a Berna 1910 («Tommaso Gherardi del Testa, 1814-1881», 1909). Prof. dal talian e franzos a la Scola chant. a Cuira 1911-53. Promotur e fundatur da la Pro Grigioni Italiano (1918; pres. 1921-58), fundatur (1918) e redactur da l'«Almanacco del Grigione Italiano» (1918-38) e dals «Quaderni Grigionitaliani» (1931-58), fundatur e redactur da «La Voce dei Grigioni», redactur da «La Voce della Rezia» (1926-47), alura da «La Voce delle Valli» (gasetta da tempra lib.-dem.). Autur da numerusas publicaziuns da caracter istoric e litterar (tr.a. «Das Misox», 1949; «I magistri grigioni [...]», 1958). Sco magister, publicist ed incumbensà cultural ha el aspirà a la furmaziun d'ina conscienza grischun-tal. unitara e la renconuschientscha da las minoritads linguisticas e culturalas dal Grischun, en particular cun rinforzar il talian sin il champ da scola. Dr.h.c. da l'Univ. da Turitg 1957. La Fondazione Arnoldo Marcelliano Zendralli a Cuira (fundada il 1988) promova e sustegna la perscrutaziun scientifica dals magisters ed artists da las vals tal. dal Grischun.</p> Archiv: Ovras: Graubündner Baumeister und Stukkatoren in deutschen Landen zur Barock- und Rokokozeit, 1930; II Grigioni italiano e i suoi uomini, 1934. Funtaunas: Litteratura: QGI, 30/1961, 241-318 (omagis); R. Boldini, Una vita per quattro Valli, 1987; Scrittori del Grigioni italiano, edì dad A. e M. Stäuble, 1998, 94-107. Fernando Iseppi  Zarn, Marcus Zernez  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: