e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Ziteil Zollern [Hohenzollern]  Zogg, David * 18-12-1902 ad Azmoos (vischn. da Wartau/SG), † 26-7-1977 ad Arosa, ref., da Grabs/SG. Figl d'Andreas, electricist, e da Maria Elisabeth n. Jahn. Frar dals sportists Nini von Arx-Z. e Fritz Z. &#8734; Heidy n. Frey. Numnà era Vitter Z. Scolas ad Arosa. Electricist, guid da muntogna e magister da skis. Confundatur dal Club da hockey d'Arosa 1924, manader da la scola da skis ad Arosa 1939-74. Z. è stà il skiunz svizzer il pli renumà en ils onns 1930. Il 1928 ha el participà a l'Olimpiada a S. Murezzan en la sparta nordic ed ha fatg en il sigl cun skis in record svizzer (66,5 m). El è stà sis giadas campiun svizzer en la cursa rapida en ils onns 1930 ed ha conquistà numerusas medaglias en cursas e campiunadis naz. e mundials. Il 1934 è el daventà a S. Murezzan campiun mundial en la cursa rapida e segund en il slalom ed en la cumbinaziun. Z. ha gudagnà tschintg giadas il derby dal Parsenn. Expediziun en Grönlanda 1931. Cun André Koch e Fritz Steuri ha el realisà il 1939 la primascensiun dal Dunaghiri/Himalaja (7066 m); superond qua tras sco emprims Svizzers suenter Günther Oskar Dyrenfurth ina muntogna da 7000 m. </p> Archiv: Ovras: Funtaunas: Litteratura: Aroser Zeitung, 5-8-1977; H. Danuser, Skirennfahrer David Z., en: BJb, 1989, 69-75. Adolf Collenberg  Ziteil Zollern [Hohenzollern]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: