e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Campell [Campel, Chiampell], [de] Campodolcino  Campocologno Culegna en la vischn. polit. da Brüsch, situada al cunfin cun la Vuclina. Tenor la tradiziun orala consistiva C. oriundamain da trais aclauns. En il temp medieval ha appartegnì la culegna a la giurisdicziun da Tiraun. Da quel temp predominava qua l'agricultura. En ils onns 1429-1521 è il cunfin tr. Brüsch e la Vuclina vegnì spustà da la tur da Piattamala vers il sid, da maniera che C. è daventada ina part da la vischnanca da Brüsch. Il 1526 èn vegnids rectifitgads ils cunfins tr. Poschiavo e Tiraun. Il 1615 è attestada per l'emprima giada la  <em>contrada di Zalende</em> <em>e C</em>. en in contract da partiziun cun Tiraun.  Ils da C. faschevan tradiziunalmain commerzi cun la Vuclina (tr.a. martganzia da cuntrabanda). Il 1902-10 è vegnida construida a C. la centrala da las OE Brüsch (da quel temp la pli gronda en l'Europa, reconstr. il 1971), il 1910 ina fabrica da conservas. Ferma emigraziun dapi il 1950. L'anteriura chaplania da Brüsch è ina plaiv dapi il 1964.<br /><br /></p> Archiv: Ovras: Funtaunas: Litteratura: R. Tognina, Origine e sviluppo del Comun grande di Poschiavo e Brusio, 1975; R. Tognina, Cenno storico e sviluppo demografico, sociale ed edilizio di C., en: AGI, 65/1983, 63-69. Adolf Collenberg  Campell [Campel, Chiampell], [de] Campodolcino  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: