e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Hendry, Ludivic [Vic] Hennings, Friedrich  Henni, Johann Martin * 15-6-1805 a Misanenga (vischn. da Sursaissa), † 7-9-1881 a Milwaukee (Wisconsin), cat., da Sursaissa. Figl da Johann Georg e da Maria Ursula n. H., da Sursaissa. Gimnasi a S. Gagl 1820-23, liceum a Lucerna 1824-26, studis a l'Univ. La Sapienza a Roma 1826-28. Translocà a Bardstown (Kentucky) 1828, ordinà sacerdot 1829, alura missiunari en l'Ohio. Plevon e vicari general da Cincinnati 1834-43. Il 1837 ha H. fundà il «Wahrheitsfreund», l'emprima revista cat. en lingua tud. edida en ils Stadis Unids (cumparida fin il 1868). Il 1843 è el vegnì nominà uvestg da la nova diocesa da Milwaukee (consecrà 1844) ed il 1875 archuvestg da Milwaukee. Sco represchentant resolut da la gruppa linguistica tud. ha H. dà impuls impurtants al svilup da la vita ecclesiastica durant questa perioda d'intensiva immigraziun da l'Europa: sin sia iniziativa èn vegnidas fundadas la catedrala da Saint-Johns (1847-52), l'ospital da Saint-Mary (1848), ina chasa per mungias (1849), il seminari da spirituals da Saint-Francis (1856) ed in seminari scolastic (1871). Ils meds finanzials per realisar quels edifizis ha el rimnà tr.a. durant ses viadis en Europa. H. ha participà a l'Emprim Concil vatican (1870).<br /><br /><br /></p> Archiv: Ovras: Das Missionswesen in Nordamerika, 1848. Funtaunas: Litteratura: P.L. Johnson, Crosier on the Frontier. A life of John Martin H., Archbishop of Milwaukee, 1959; LQ, 22-7-2005. Markus Ries  Hendry, Ludivic [Vic] Hennings, Friedrich  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: