e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Gonda Grab, Amédée  Goswin von Marienberg Attestà per l'emprima giada il 1348 sco noviz, † suenter il 1393. A partir dal 1374 priur en la claustra benedictina da Mariamunt e chaplon a la curt dal duca Leopold III. G. ha cumponì musica per la liturgia claustrala ed ha realisà collecziuns da transcripziuns da doc. e d'urbaris per garantir ils dretgs da la claustra surtut en il Vnuost ed en l'Engiadina. Sia ovra principala è stada il «Registrum», ina cronica da Mariamunt che cuntegna ils anniversaris da mort dals benefacturs dal convent, transcripziuns da doc. impurtants (relevants era per l'istorgia grischuna) sco era notizias cronicalas davart la fundaziun da la claustra da Scuol-Mariamunt e davart las attatgas dals Matschs e Reichenbergs cunter la claustra. La cronica è ina funtauna d'infurmaziuns preziusa per l'istorgia da la cultura, da la vita da mintgadi e da la mentalitad da l'epoca.<br /><br /></p> Archiv: Ovras: Goswin. Sammlung von Dokumenten und Urkunden des Klosters Marienberg von der Gründung bis 1390, 1996 (ediz. en facs.). Funtaunas: Litteratura: Das Registrum Goswins, elav. da C. Roilo, 1996 (cun bibliogr.). Lothar Deplazes  Gonda Grab, Amédée  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: