e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Gujan, Johann Michael Gula  Gujer, Lise * 6-12-1893 a Turitg, † 13-3-1967 a Sertig, ref., da Turitg. Figlia da Rudolf, commerziant da pels e fols, comm. dal Cussegl grond e cuss. munic. da Turitg, e dad Elise n. Müller. Nubila. Domiciliada a Clavadel dapi il 1915. Emprimas lavurs da taisser a partir dal 1922. Tras l'intermediaziun da Jakob ed Elsa Bosshart è G. entrada en contact cun Ernst Ludwig ed Erna Kirchner, contacts ch'han influenzà sia entira vita. Emprimas emprovas da realisar tessarias tenor skizzas da Kirchner, utilisond glin per la chadaina e launa da colur per la trama. A partir da ca. 1924 lavurs pli grondas ch'han era plaschì a Kirchner. Acquist da la Chasa Gruoba en la Val Sertig (1940) ch'ella ha decorà cun maletgs ed equipà cun mobiglias da Kirchner. Il 1951 ha G. puspè cumenzà a taisser, s'inspirond ussa per sias creaziuns, ultra dals dissegns originals da Kirchner, dad aquarels, maletgs e plimatschs; ella ha era realisà reelavuraziuns da las emprimas lavurs en div. exemplars. Il Museum Kirchner a Tavau ha organisà il 1999 ina gronda retrospectiva da sia ovra.<br /><br /></p> Archiv: Ovras: Funtaunas: Litteratura: Ernst Ludwig Kirchner, edì da R.N. Ketterer, 1979 (1995²); G. Presler, Ernst Ludwig Kirchner, 1998; E.W. Kornfeld, Textilarbeiten nach Entwürfen von E.L. Kirchner der Davoser Jahre, 1999 (reg. d'ovras, cun biogr.). Elisabeth Messmer  Gujan, Johann Michael Gula  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: