e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Wietzel, Fadrich [Fadri] Wietzel, Gubert  Wietzel, Giörin * ca. 1595  a Zuoz, † ca. 1670 a Zuoz, ref., da Zuoz. Figl da Lurainz, nobilità il 1587, e dad Anna Juvna n. von Juvalta. Nev da <elirlink href="aid:1346">Fortunat von Juvalta</elirlink>. &#8734; Anna Margretta n. Travers, figlia da Gian, sutbiadia da <elirlink href="aid:3081">Gian Travers</elirlink>. Studis a Turitg e Basilea, ens. cun Gieri Genatsch, al qual è stà fidaivel era suenter che quel era convertì al catolicissem. Landamma da l'Engiadin'Ota 1627-28. Diplomat e chapitani. Il 1635 ha W. participà sco manader dals da l'Engiadin'Ota a la reconquista da la Vuclina tras il Duca de Rohan. En la tradiziun da ses antenat Gian Travers ha el descrit ils eveniments da ses temp en la cronica rimada «Memoria da que chi ais passo in Engiadina e Vuclina» (1635). W. è in dals promoturs principals da la liberaziun da l'Engiadina Bassa dals dretgs austriacs.  <br /><br /> </p> Archiv: Ovras: Funtaunas: Litteratura: A. Kaiser, Die Nachkommen des Staatsmannes Johann Travers von Zuoz in den ersten sechs Generationen, en: JHGG, 1955, o.t. 58-81; Bezzola, Litteratura, 207 s.; Deplazes, Funtaunas 2, 61, 100. Constant Wieser  Wietzel, Fadrich [Fadri] Wietzel, Gubert  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: