e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Bertogg, Conrad Bertogg, Riget  Bertogg, Hercli * 19-10-1903 a Sevgein, † 5-11-1958 a Cuira, ref., da Sevgein. Figl da Hercli, scolast, e dad Albertina n. Danuser, dad Altstätten/SG. &#8734; 1) Silvia n. Calonder, da Trin († 1928), 2) Betty n. Christoffel, da Riein. Gimnasi a Cuira, stud.teol. a Basilea, Turitg e Tubinga, alura studis d'istorgia a Turitg, dr.fil. 1937. Recepì en la Sinoda retica il 1928. Pastoraziun a Riein, Pitasch e Duin 1927-30, ad Almen, Tràn e Giuvaulta fin il 1934 ed a Trin fin il 1944. Prof. d'istorgia a la Scola chant. a Cuira a partir dal 1944. Dal 1955 fin a sia mort è B. stà conservatur al Museum retic. Redactur dal «Calender per mintga gi» 1940-59 (part surs.), nua ch'el ha publitgà passa 60 tractats da tempra istorica e litterara. Redactur scientific dal N.T. e dals «Psalms» ens. cun Pieder (Peder) Paul Cadonau, onurà per quest'ovra cun il dr.teol.h.c. da l'Univ. da Basilea 1955. Perscrutader enconuschent da la preistorgia retica e da l'istorgia ecclesiastica.</p> Archiv: Ovras: Beiträge zur mittelalterlichen Geschichte der Kirchgemeinden am Vorder- und Hinterrhein, diss. Turitg, 1937; Zum alträtischen Heidentum, 1952. Funtaunas: Litteratura: F. Darms, Ser professer DDr. Hercli B., en: Cal. p. mintga gi, 1960, 33-63;G. Dazzi e.a., Puur und Kessler, 2008. Adolf Collenberg  Bertogg, Conrad Bertogg, Riget  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: