e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Scola auta da pedagogia dal Grischun (SAPGR) Scola auta da teologia Cuira  Scola auta da tecnica ed economia (STE) Il 1964 è vegnì avert a Cuira la Scola tecnica superiura (STS), in tecnicum da la saira cun la finamira d'offrir a glieud giuvna da la regiun ina scolaziun cumplementara sco chemichers, architects u inschigners. Ils emprims diploms èn vegnids surdads il 1968. Il 1972 è la STS vegnida renconuschida sco scola d'inschigners ed ha offert il 1990 (per l'emprima giada en Svizra) in curs dal di en la sparta telecommunicaziun. Il 1991 èn sa separadas las spartas d'inschigners (STS) e la Scola superiura d'economia ed administraziun (SEA, averta il 1988). Dapi il 1993 disponan questas scolas d'in nov center da furmaziun. Cun la transfurmaziun en ina scola auta professiunala, renconuschida tenor il dretg fed., ha la STS obtegnì il 1998 il titel da Scola auta da tecnica ed architectura STA Cuira; a la fin dal 2000 ha ella dentant stuì fusiunar cun la SEA. Dapi alura sa numna ella Scola auta da tecnica ed economia STE (tud. Hochschule für Technik und Wirtschaft HTW). Ella offra sper studis da diplom e curs supplementars cun diplom (dapi il 1991) era prelecziuns e curs spezials sco era curs per la maturitad professiunala tecnica (dapi il 1994). Studentas e students total: 1999 791; 2002 1113; 2009 1506. </p> Archiv: Ovras: Funtaunas: Litteratura: Jahresbericht HTW, 1964-. Max Hilfiker  Scola auta da pedagogia dal Grischun (SAPGR) Scola auta da teologia Cuira  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: