e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Kuoni, Andreas Kuoni, Michael  Kuoni, Jakob * 6-11-1850 a Maiavilla, † 23-7-1928 a Maiavilla, ref., da Maiavilla. Figl da Jakob, guardian da notg e pur, e da Magdalena n. Stocker, da Maiavilla. &#8734; 1) 1874 Marietta n. Wiget, figlia da Johann Jakob, 2) 1878 Wilhelmine n. Schulthess, figlia da Johann Jakob. Seminari scolastic ad Aschera 1866-69, alura scolast ad Engi/GL 1870-72, a Kirchberg/SG 1872-80 ed en la vischnanca da scola da la citad da S. Gagl 1880-1904. Actuar da scola en uffizi cumplain a S. Gagl 1904-18. Da return a Maiavilla, ha K. fatg part dal cussegl da scola. Ultra da numerusas publicaziuns davart dumondas liadas a l'instrucziun da las linguas (tr.a. en la «Schweizerische Lehrerzeitung») ha el redigì meds didactics per l'instrucziun da la lingua, da l'istorgia e da l'enconuschientscha da la patria. K. ha era scrit raquints per giuvenils, dramas istorics e poesias. Sia ovra principala è la vasta collecziun da legendas «Sagen des Kantons St. Gallen» (1903).  </p> Archiv: Ovras: Funtaunas: Litteratura: Deutsches Literatur-Lexikon, fundà da W. Kosch, 9, 1984<sup>3</sup>, 727 s.; H. Blattmann, Jakob K. (1850-1928), en: Sagenerzähler und Sagensammler der Schweiz, edì da R. Schenda, 1988, 397-418. Karin Marti-Weissenbach  Kuoni, Andreas Kuoni, Michael  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: