e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Federspiel, [von] Feldscher, Peter Anton  Feldkirch Lieu principal dal district austr. da F., situà al cunfin dal Vorarlberg cun la Svizra ed il Principadi dal Liechtenstein. 2004 31'005 abitants. Num rom.: <em>Clunia</em>, attestà sco curt roiala en l'«Urbari curretic dals bains imperials» (ca. 840). Enturn il 1190 ha Hugo I von Montfort fatg da F. a moda sistematica ina citad (a partir dal 1312 cun dretg citadin da Lindau). Sut domini habsburgais a partir dal 1375 (tras cumpra). L'allianza dal 1395 tr. l'uv. Hartmann ed il duca von Habsburg ha francà per tschientaners las bunas relaziuns dal Vorarlberg cun il Grischun. Il 1499 ha l'occupaziun da F. tras truppas confed. fatg naufragi. Il dretg da patrunadi da la baselgia da S. Niclà ha exercità il chapitel catedral da Cuira fin il 1803. La claustra da chaputschins dal 1605 ed il gimnasi dals gesuits dal 1649 han giugà ina rolla impurtanta en la Cuntrarefurma. Il gimnasi vegniva sustegnì da l'uvestgieu da Cuira cun ina contribuziun annuala e frequentà regularmain da Grischuns: 1650-1773 124 students (ultra da numerus Grischuns betg registrads), 1777-1870 128 (tr. quels fitg blers da la classa dirigenta cat.). L'emprova d'installar il 1773 in seminari da spirituals per l'uvestgieu da Cuira n'è betg reussida. Fin il 1786 ha il delegà da F. procurà per il traffic postal e monetar dal Grischun cun l'Austria e cun l'Orient. Da F. derivan, ultra da numerus auters picturs e sculpturs dal temp baroc (p.ex. Rudolf Sturm), era Moritz e Jörg Frosch, ils maisters instructurs da Hans Ardüser e realisaturs da l'altar da Castelberg che sa chatta en la baselgia claustrala da Mustér.<br /><br /></p> Archiv: Ovras: Funtaunas: Litteratura: F. Maissen, Bündner Studenten in F. von 1650-1870, en: Montfort, 1/2, 1962, 67-122; K.H. Burmeister, Kulturgeschichte der Stadt F. bis zum Beginn des 19. Jahrhunderts, 1985; Geschichte der Stadt F., edì da K. Albrecht, 2 ts, 1985-87. Karl Heinz Burmeister  Federspiel, [von] Feldscher, Peter Anton  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: