e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Koch, Felix Köhl, Emil  Koch, Walter * 14-4-1875 ad Ottensen sper Altona (oz Hamburg), † 30-6-1915 a Turitg, Tudestg. Figl da Rudolf Wilhelm. Suenter la Scola d'art applitgà a Hamburg, ha K. studegià il 1893-96 tar il sculptur Johann Böse, alura è el dentant turnà als arts applitgads. Attatgà d'ina malsogna dals pulmuns, è K. sa domicilià il 1898 a Tavau, nua ch'el è stà fitg activ sin il champ artistic ed è s'engaschà activamain per promover en Svizra la refurma dals arts applitgads gia iniziada en Germania. A Tavau ha el obtegnì numerusas incumbensas per la creaziun da placats turistics ed ha lavurà sco pictur da cuntradas. Sias represchentaziuns dal mund alpin grischun èn influenzadas da Ferdinand Hodler e d'Emil Cardinaux. Il 1914 ha el organisà il pavigliun da l'Exposiziun naz. a Berna destinà als stabiliments da cura da Tavau ed ha gudagnà il grond premi da l'exposiziun. El ha creà anc numerus placats expressivs, surtut per promover il turissem en il Grischun.</p> Archiv: Ovras: Funtaunas: Litteratura: K. Wobmann, W. Rotzler, Touristikplakate der Schweiz, 1880-1940, 1980; Swiss Sport Posters, edì da K. Wobmann, M. Triet, 1983; B. Margadant, Das Schweizer Plakat: 1900-1983, 1983. Kurt Thaler  Koch, Felix Köhl, Emil  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: