e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Biert, Linard Bifrun, Jachiam  Biett, Laurent-Théodor * 25-7-1781 (Guadeng) a S-chanf, † 3-3-1840 a Paris, ref., da S-chanf. Figl da Duosch e dad Uorsa n. Barth. &#8734; 1821 Chatrina n. de Perini, da S-chanf. Il 1786 è el emigrà cun la fam. a Clermont-Ferrand (Auvergne), nua ch'el ha cumenzà a studegiar medischina a l'Hôtel-Dieu. Il 1801 ha el proseguì ils studis a Paris, nua ch'el è stà collavuratur e scolar preferì dal dermatolog Jean-Louis Alibert (1786-1837). A partir dal 1813 è B. stà activ sco medi e pli tard sco schefmedi a l'Hôpital Saint-Louis, nua ch'el ha era tegnì prelecziuns. Ses success persunal - cuntanschì tr.a. en il cumbat cunter la colera - e l'adaptaziun da la classificaziun dal dermatolog engl. Robert Willan (1813) han provocà l'alienaziun dad Alibert. Precursur da la terapia da bogns termals ed inventader dal tractament da malsognas da la pel cun schelatina. Comm. da l'Academia roiala da medischina (1816), onurà cun la Legiun d'onur (1830) ed autras distincziuns. Confundatur da la Société Médicale d'Emulation de Paris 1817. B. ha passentà ils ultims onns da sia vita a S-chanf.</p> Archiv: Ovras: Funtaunas: Litteratura: Äskulap in Graubünden, 71, 317, 679-86; A. Caratsch Gattiker, Ein S-chanfer als Mitbegründer der modernen Dermatologie, en: BM, 1990, 50-56. Constant Wieser  Biert, Linard Bifrun, Jachiam  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: