e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Deplazes, Placi Sigisbert Depuoz, Johann Fidelis  Deportads Suenter l'occupaziun temporara dal Grischun tras truppas franz. l'avrigl 1799, ha il general André Masséna laschà arrestar exponents e partisans (p.p. presumtivs) da l'Austria. Il matg 1799 èsi reussì als Austriacs da rebatter l'armada franz. e d'arrestar aderents da la Frantscha. Pir sis mais pli tard ha la Regenza a Vienna communitgà als deportads "franzos" ch'ella considereschia els sco subjects da pegn e che lur liberaziun dependia da la relaschada dals deportads "austriacs" tegnids en fermanza a Salins (Franche-Comté). Sin intervenziun dal Cussegl prefectural provisoric, installà dal chantun Rezia ils 16-7-1800, ha il general Jean-Victor Moreau laschà translocar ils deportads "austriacs" da Salins a S. Gagl per accelerar la liberaziun dals ostagis "franzos" a Puntina. Suenter che la Regenza interimala "austriaca" era fugida a Zernez ils 30-7-1800 resp. a Bulsaun ils 5-9-1800, ha l'Austria retegnì ils deportads "franzos" per garantir il return dals exponents da la Regenza interimala en il Grischun. Malgrà ch'il Cussegl prefectural aveva declerà l'amnestia politica generala e pretendì da la Regenza interimala, ch'era sa patrunada da la cassa publica, da render quint mo davart il diever da quels daners, han ils regents pertutgads preferì da restar sut la protecziun directa da l'Austria ch'ha alura retegnì ils deportads vinavant sco ostagis.</p> Archiv: ASGR. Ovras: Funtaunas: Litteratura: P. Genelin, Die Bündner Geiseln in Innsbruck (1799-1800), 1900; F. Pieth, Landammann Florian Planta über seine Deportation nach Aarburg 1799, en: BM, 1944, 101-12; J. Valentin, Deportation der Bündner Geiseln nach Innsbruck und Graz 1799-1801, en: BM, 1945, 199-221, 225-40; T. Schmid, Algords dals deportats grischuns ad Innsbruck e Graz 1799-1801, en: Annalas, 91/1978, 80-109; Metz, Graubünden 1, 61-66; D. Balletta, Remarcas da mia veta, edì da C. Vincenz, 2004. Adolf Collenberg  Deplazes, Placi Sigisbert Depuoz, Johann Fidelis  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: